Kasuwanci
Gwamnan Kano Ya Kaddamar Da Kashi Na 2 Na Tallafawa Mata A Jihar
![](https://radionigeriakaduna.gov.ng/hausa/wp-content/uploads/2024/06/Abba-Kabir-Yusuf-Kano-Governor.jpeg)
Gwamnan jihar Kano, Abba Kabir Yusuf, ya kaddamar da wani shiri na tallafawa mata 5,200 a fadin kananan hukumomi 44 na jihar.
Da yake jawabi a wajen wani gagarumin biki da aka gudanar a gidan gwamnati da ke Kano, Gwamna Abba Kabir Yusuf ya ce wadanda suka ci gajiyar shirin zasu karbi tallafin naira 50,000 kowanne su domin dogaro da kansu.
Ya ce matakin hakan na da nufin rage wahalhalun rayuwa da mutane ke fuskanta musamman mata, domin inganta tattalin arzikin a tsakanin al’umma.
Ya ce gwamnatinsa ta kudiri aniyar ware Naira miliyan 260 duk wata domin gudanar da shirin, wanda hakan na cikin kokarin gwamnatinsa na karfafa matasa da mata da kuma biyan basussukan fansho.
Ya bukace su da su yi amfani da gogewar da suka samu a lokacin horon da aka ba su kan yadda za su shiga kananan sana’o’i, da nufin cimma burin da aka sa gaba.
Gwamnan ya yi kira ga mata da su kara kaimi wajen tabbatar da tsaftar muhalli musamman a wannan lokaci na damina, da nufin inganta harkokin kiwon lafiya.
A cewar Gwamna Yusuf, “An yi ayyuka da yawa a fannonin ilimi, kiwon lafiya, da koyar da sana’o’i”, yana mai jaddada cewa wannan shiri na nuni ne da yadda gwamnatinsa ta himmatu wajen inganta rayuwar al’umma.
Gwamnan ya kara da cewa nan ba da jimawa ba za a aiwatar da irin wannan karfafawa ga mazaje da nufin dogaro da kai da kuma daukar ma’aikata.
Abdullahi Jalaluddeen
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto