Labarai
An Ciro Gawawwakin Baƙin Haure 89 Daga Teku
![](https://radionigeriakaduna.gov.ng/hausa/wp-content/uploads/2024/07/nouadhibou-surfing-mauritiania-gettyimages-1011680384.jpg)
Jami’an tsaron gaɓar tekun Mauritaniya sun tsamo gawawwakin baƙin haure 89 daga teku, wadanda kwale-kwale ya kife da su a ranar Litinin.
An ceto mutum tara da suka hada da yarinya ƴar shekara biyar, amma wasu da dama sun ɓata.
A cewar waɗanda suka tsira, kwale-kwalen da suke ciki ya taso ne daga yankin iyakar Senegal da Gambiya a makon jiya ɗauke da mutu 170.
Jirgin ruwan ya kife ne a gaɓar tekun kudu maso yammacin ƙasar ta Mauritaniya.
Kasar Mauritaniya dai ta kasance wata muhimmiyar hanya da bakin hauren da ke yunƙurin isa Turai daga yammacin Afirka ke amfani da ita.
Dubban kwale-kwale ne ke tashi daga kasar kowace shekara, inda tsibirin Canary, wani bangare na Sifaniya, ya kasance wurin da aka fi zuwa.
A bara, kusan baƙin haure 40,000 ne suka isa tsibirin Canary, a cewar gwamnatin Spain inda adadin ya nunka na shekarar da ta gabata.
Kungiyar agaji ta Caminando Fronteras ta yi ƙiyasin cewa sama da baƙin haure 5,000 ne suka mutu a yunƙurin shiga ƙasar Sifaniya ta teku a cikin watanni biyar na farkon shekarar 2024.
A watan Afrilu, Tarayyar Turai ta bai wa Mauritania tallafin Yuro miliyan 210 kwatankwacin dalar Amurka miliyan 225, inda aka ware kusan Yuro miliyan 60 don yaƙi da ƙauran ‘ƴan ci rani zuwa Turai ba tare da izini ba.
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi