Labarai
An Bukaci Tattaunawa A Matsayin Hanyar Warware Sabanin Ma’aikatan NNPC Kaduna
![](https://radionigeriakaduna.gov.ng/hausa/wp-content/uploads/2024/07/NNPC-Logo.png)
An jaddada bukatar rungumar tattaunawa domin warware duk wani sabani a tsakanin tsoffin ma’aikatan matatar mai (NNPC) ta Kaduna.
Shugaban kungiyar bunkasa tsoffin ma’aikatan kamfanin matatar mai ta Kaduna Saint Kamven Emven wanda ya bayyana hakan, yayi zargin cewar wasu daga cikin korarrun yayan kungiyar sun jima suna kokarin tada fitina a tsarin shugancin kungiyar.
Shugaban ya kuma yi kira ga tsoffin ma’aikatan dasu rungumi juna a kowane lokaci tare da mutunta ka’idojin kungiyar domin samun cigaba mai ma’ana.
Ya kuma yi kira ga Gwamnatin jihar Kaduna data yi hanzarin shiga cikin rashin jituwar dake wanzuwa a tsakanin kungiyar da ma’aikatan ta dake lura da harkokin kungiyoyin gama kai abinda ya nunar da a halin yanzu ma batun rikicin jagorancin kungiyar yana a gaban kotu.
A halin yanzu kuma tarin tsoffin ma’aikatan ne suka taru a harabar ofishin kungiyar inda suke jaddada goyon bayan su ga tsarin shugabancin kungiyar na yanzu inda suke cewar suna amfana matuka daga irin shirye shiryen da shugabancin kungiyar Ke samarwa a yanzu.
Sun Kuma Yi kira ga Gwamnatin jihar Kaduna Data Yi dubi kan lamarin yadda ya kamata domin samun bunkasar yanayin lumana da hadin Kai a tsakanin yayan kungiyar.
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Labarai6 days ago
APC Ta Lashe Dukkan Kujerun Kansiloli Da Kansiloli A Kebbi