{"id":691,"date":"2024-03-27T14:51:45","date_gmt":"2024-03-27T14:51:45","guid":{"rendered":"https:\/\/radionigeriakaduna.gov.ng\/hausa\/?p=691"},"modified":"2024-03-27T15:25:56","modified_gmt":"2024-03-27T15:25:56","slug":"mai-martaba-sarkin-kauru-ya-kara-ankarar-da-alummarsa-akan-matsalar-tsaro","status":"publish","type":"post","link":"https:\/\/radionigeriakaduna.gov.ng\/hausa\/mai-martaba-sarkin-kauru-ya-kara-ankarar-da-alummarsa-akan-matsalar-tsaro\/","title":{"rendered":"Mai Martaba Sarkin Kauru Ya Kara Ankarar Da Al’ummarsa Kan Matsalar Tsaro"},"content":{"rendered":"

Mai martaba Sarkin Kauru a Jihar Kaduna, Alhaji Zakari Ya\u2019u na biyu, ya kara\u00a0 fadakar da al\u2019ummar masarautarsa game da matsalar tsaro, duba da yadda ake\u00a0 samun yawaitar satar mutane da ayyukan ‘yan bindiga a jihar.<\/p>\n

 <\/p>\n

Mai Martaba Alhaji Zakari Ya\u2019u II, wanda ya bayyana haka a wajen taron buda baki na watan Ramadan na shekara-shekara a fadarsa da ke Kauru, ya jaddada muhimmancin yin taka tsantsan da hadin gwiwa da jami\u2019an tsaro domin yakar kalubalen tsaro da ake fuskanta.<\/p>\n

 <\/p>\n

\"\"

Mai Martaba Sarkin Kauru Alhaji Zakari Ya’u II <\/em><\/p><\/div>\n

 <\/p>\n

Sarkin ya kuma jaddada hakkin da ya rataya a wuyan \u2018yan kasa wajen tabbatar da tsaro da zaman lafiya a tsakanin al\u2019umma, tare da yin kira da a hada kai domin tunkarar wadannan matsalolin yadda ya kamata.<\/p>\n

Ya kuma nanata kiransa na ci gaba da hada kai da jami\u2019an tsaro,\u00a0 yana mai karfafa gwiwar mazauna yankin da su bayar da gudunmawarsu wajen inganta wayar da kan al\u2019umma ta fuskar tsaro da kuma samar da yanayi mai kyau ga kowa da kowa.<\/p>\n

\"\"<\/p>\n

Alhaji Zakari Ya\u2019u II, ya kuma jinjinawa daukacin wadanda suka halarci taron buda bakin na shekara shekara, yana mai nuna jin dadinsa bisa hakan, domin wata hanya ce ta sada zumunci a cikin watan Ramadan.<\/p>\n\n\t\t