![\"\"](\"https:\/\/radionigeriakaduna.gov.ng\/hausa\/wp-content\/uploads\/2024\/03\/Kunya-300x213.webp\")
<\/p>\n<\/p>\n
<\/p>\n
Fitacciyar jarumar nan ta dandalin TikTok, Murja Ibrahim Kunya, ta yi \u0199arar Gwamnatin Kano a gaban Babbar Kotun jihar.<\/p>\n
Wannan dai na cikin \u0199unshin takardar \u0199arar da Murja ta shigar bisa wakilcin lauyoyinta \u2014 A. U Hajji da S.S Shehu \u2014 mai \u0257auke da kwanan watan 26 ga Fabarairun 2024.<\/p>\n
A \u0199unshin \u0199arar da Magatakardan Kotun, Adam S. Adam ya rattaba hatimi da kuma sa hannu, Murja ta bu\u0199aci a shiga tsakaninta da Kotun Shari\u2019ar Musulunci da ke zamanta a Kwana Hu\u0257u.<\/p>\n
Aminiya<\/em>\u00a0ta ruwaito cewa, cikin jerin wa\u0257anda \u0199arar da Murja ta shigar ta shafa akwai Antoni-Janar na Jihar Kano da Kwamishinan \u2019Yan Sandan Kano, da Hukumar Hisbah da Hukumar Asibitocin Kano da Babban Asibitin Masu Larurar Kwakwalwa da ke Dawanau.<\/p>\n <\/ins><\/div>\n Takardar ta nuna cewa, Babbar Kotun ta cimma muradu hu\u0257u daga cikin jerin bu\u0199atu bakwai da lauyoyin Murja suka gabatar wa Mai Shari\u2019a Nasiru Saminu.<\/p>\n Sai dai\u00a0Aminiya<\/em>\u00a0ta lura cewa, daga cikin bu\u0199atun lauyoyin Murja da kotun ta yi watsi da su, har da ta neman mayar wa wadda suke wakilta wayarta ta hannu kirar iPhone da kuma katin banki na ATM.<\/p>\n Da wannan hukuncin ne kotun ta kuma \u0257age \u0199arar zuwa 20 ga watan Maris na 2024.<\/p>\n Ana iya tuna cewa, a bayan nan dai Mai Shari\u2019a Malam Nura Yusuf Ahmad na Kotun Shari\u2019ar Musulunci da ke Kwana Hu\u0257u ya bayar da umarnin a yi wa Murja gwajin kwakwalwa.<\/p>\n <\/ins><\/div>\n Alkalin ya ba da umarnin ne bisa zargin jarumar ba ta cikin hayyacinta a lokacin zaman kotun na farko da aka gurfanar da ita.<\/p>\n Tun farko dai Hukumar Hisbah ta Jihar Kano ce ta gurfanar da Murja kan zargin tayar da hankalin jama\u2019a, bata tarbiyya da kuma koyar da karuwanci.<\/p>\n<\/p>\n<\/div>\n<\/p>\nMai Shari\u2019a Nura Yusuf ya ba da umarnin yi wa Murja gwajin kwakwalwar ne a asibitin gwamnati domin tabbatar da \u0199oshin lafiyarta<\/div>\n