{"id":244,"date":"2024-03-01T09:41:03","date_gmt":"2024-03-01T09:41:03","guid":{"rendered":"https:\/\/radionigeriakaduna.gov.ng\/hausa\/?p=244"},"modified":"2024-03-01T09:41:03","modified_gmt":"2024-03-01T09:41:03","slug":"mutumin-da-aka-kashe-wa-duk-%c6%b4anuwansa-103-a-gaza","status":"publish","type":"post","link":"https:\/\/radionigeriakaduna.gov.ng\/hausa\/mutumin-da-aka-kashe-wa-duk-%c6%b4anuwansa-103-a-gaza\/","title":{"rendered":"Mutumin da aka kashe wa duk \u01b4an’uwansa 103 a Gaza"},"content":{"rendered":"
\n

\"\"<\/p>\n

Ahmad al-Ghuferi ya tsira daga bam \u0257in da ya kawar da iyalansa daga duniya.<\/p>\n<\/div>\n

\n

Lokacin da wani hari ya hallaka iyalai da \u01b4an’uwansa su 103 a gidansu da ke Gaza, yana can ma\u0199ale a garin Jericho na Ga\u0253ar Yamma, kimanin kilomita 80 daga gida.<\/p>\n<\/div>\n

\n

Ahmad na aiki ne a wani wurin da ake aikin gini a Tel Aviv, lokacin da Hamas ta kai hari cikin Isra’ila a ranar bakwai ga watan Oktoba – ya kasa komawa gida wurin matarsa da \u01b4a\u01b4ansa mata uku sanadiyyar ya\u0199in da ya \u0253arke da kuma rufe hanyar da sojojin Isra’ila suka yi.<\/p>\n<\/div>\n

\n

A kullum akwai lokacin da suka ware shi da iyalansa domin yin waya da juna idan layin yana da kyau, kuma ko a lokacin da aka kai harin, yana kan waya tare da matarsa Shireen a ranar takwas ga watan Disamba.<\/p>\n

\n

Ya ce “Kamar ta san cewa za ta mutu, ta ce min na yafe mata kan duk wani abu maras kyau da ta ta\u0253a yi min. Na ce mata ta daina irin wannan maganar. Amma wannan ce waya ta \u0199arshe tsakaninmu.”<\/p>\n<\/div>\n

\n

Wani mummunan harin bam da aka kai a gidan kawunsa a yammacin ranar ne ya hallaka matarsa da \u01b4a\u01b4ansa mata uku – Tala da Lana da kuma Najla.<\/p>\n<\/div>\n

\n

Haka nan harin ya kashe mahaifiyar Ahmad, da \u01b4an’uwansa maza hu\u0257u da iyalansu, da \u01b4an’uwan mahaifiyarsa da sauran dangi, su sama da 100.<\/p>\n<\/div>\n

\n

Wata biyu bayan mummunan harin har yanzu gawawwakin wasu daga cikin su na ma\u0199ale a \u0199arkashin gini.<\/p>\n<\/div>\n

\n

A makon da ya gabata ne ya kamata \u01b4ar’autarsa, Najla ta cika shekara biyu da haihuwa. Har yanzu Ahmad na fama da jimamin rashin iyalansa.<\/p>\n<\/div>\n

\n

Kasancewar ba ya nan a lokacin da suka rasu da kuma lokacin da aka binne su, har yanzu Ahmad idan yana magana sai ya ri\u0199a yi tamkar iyalan nasa na da rai, a wasu lokutan hawaye na kwarara daga idanunsa.<\/p>\n<\/div>\n

\n

“\u01b3a\u01b4ana su ne farin cikin raina,” in ji shi. “Ji nake kamar a mafarki. Har yanzu na kasa yarda cewa wannan lamarin ya faru.”<\/p>\n

\"\"<\/p>\n

\n

Ya goge hotunansu da ke wayarsa da komfutar tafi da gidanka saboda ka da abin da rinka damun sa.<\/p>\n<\/div>\n

\n

An bar shi da ha\u0257a labarin abun da ya faru daga abubuwan da makwabta da \u01b4an uwan da suka yi saura suka gaya masa.<\/p>\n<\/div>\n

\n

Sun shaida masa cewa an harba makami mai linzami ne a \u0199ofar shiga gidan da iyalan nasa suke.<\/p>\n<\/div>\n

\n

“Sun ruga da gudu suka shiga gidan wani kawuna da ke kusa, bayan mintoci 15 kuma sai wani jirgin ya\u0199i ya zo ya jefa bam a gidan. ” Ahmad ya bayyana.<\/p>\n<\/div>\n

\n

Ginin mai hawa hudu da aka kashe iyalan nasa na kusa da wata kwana daga cibiyar lafiya ta Sahaba a birnin Zeitoun da ke Gaza.<\/p>\n<\/div>\n

\n

Abun da ya rage yanzu sai tudun \u0199asa da baraguzai da launin jini nan da can da yagaggun tufafi da kura ta bu\u0257e.<\/p>\n

\"\"<\/p>\n

\n

Wata mota mai ruwan azurfa ta moka\u0257e, gilashinta na gaba ya karkace kamar wadda ya yi ha\u0257ari, motar na \u0199ar\u0199ashin wani bango da ke reto.<\/p>\n<\/div>\n

\n

Wani \u0257an’uwan Ahmad wanda ya tsira, Hamid al-Ghuferi, ya shaida wa BBC cewa a lokacin da aka fara kai harin, wa\u0257anda suka gudu suka hau kan wani tudu su ne suka tsira, yayin da wa\u0257anda suka \u0253uya a cikin gidansu aka kashe.<\/p>\n<\/div>\n

\n

“Ruwan wuta suka yi ta yi,” ya ce. “An kai hari kan wasu gidaje hu\u0257u da ke kusa da namu, sun dinga jefa bam ne duk bayan mintoci 10.”<\/p>\n<\/div>\n

\n

“Mutane 110 daga iyalan Ghuferi na gidan – yara da \u01b4an’uwa,” ya ce.\u00a0” Duka ban da \u0199adan da suka yi saura duk sun mutu.”<\/p>\n<\/div>\n

\n

Wa\u0257anda suka tsira sun ce wadda ta fi kowa girma a cikin wa\u0257anda suka mutu dattijuwa ce mai shekara 98, kuma mafi \u0199an\u0199antarsu jariri ne da aka haife shi kwana tara kafin aukuwar harin.<\/p>\n<\/div>\n

\n

Wani \u0257an’uwa wanda shi ma sunansa Ahmad ya bayyana cewa abubuwa biyu ne suka fashe daga harin da aka kai ta sama.<\/p>\n<\/div>\n

\n

“Kwatsam,” a cewarsa.\u00a0“Idan ba don mutane sun riga sun bar wannan wurin ba, Ina ganin da kusan \u0257aruruwa za a kashe. wurin sam ya sauya. Akwai wurin ajiyar motoci, wajen adana ruwa da gidaje uku baya ga wani \u0199aton gida. Harin unguwa gaba \u0257aya ya lalata. “<\/p>\n<\/div>\n

\n

Hamid ya ce wa\u0257anda suka tsira sun yi ta aikin tono gawarwaki daga baraguzai har asubahi.<\/p>\n<\/div>\n

\n

“Jirage na shawagi a sama da kuma wasu jirage marasa matu\u0199a suna harbinmu a yayin da muke \u0199o\u0199arin ka\u0257o su,” a cewar \u0257an’uwan Ahmad.<\/p>\n<\/div>\n

\n

“Muna zaune a gidan kawai sai muka tsinci kanmu a cikin baraguzai, ” Umm Ahmad al-Ghuferi ya shaida wa BBC. “An jefar da ni zuwa wani wuri. Ban san yadda aka fito da ni ba. Mun ga mutuwa muraran da idanunmu. “<\/p>\n<\/div>\n

\n

Wata biyu da rabi har yanzu suna \u0199o\u0199arin za\u0199ulo sauran gawarwakin daga \u0199ar\u0199ashin baraguzai. Iyalan sun samu ku\u0257i suka yi hayar diga suna sassa\u0199ar ginin.<\/p>\n<\/div>\n

\n

“Mun gano gawarwaki hu\u0257u [a yau],” Ahmad ya bayyana wa BBC, “Ciki har da matar \u0257an’uwana da \u0257an \u0257an’uwana wanda aka ciro shi duk ya dagargaje. Sun kwashe kwana 75 a \u0199ar\u0199ashin baraguzai.”<\/p>\n<\/div>\n

\n

Kabuburansu na wucin-gadi na wani fili da ke kusa da nan, an yi musu sheda da sanduna da robobi.<\/p>\n<\/div>\n

\n

Ahmad, wanda ke ma\u0199ale a Jericho, bai iya zuwa ya gan su ba.<\/p>\n<\/div>\n

\n

“Mai na yi da za a raba ni da mahaifiyata da matata da \u01b4a\u01b4ana da \u01b4an’uwana? Yana tambaya\u00a0“Dukanin su fararen hula ne.”<\/p>\n<\/div>\n

\n

Mun tuntu\u0253i sojin Isra’ila game da zargin iyalan na cewa an hare su ne da wannan harin ta sama. Sai suka mayar da martani cewa ba su da masaniya kan wannan harin, kuma ma’aikatar tsaro ta (IDF) ta ce tana \u0257aukar matakan da suka dace wajen rage kisan fararen hula a ya\u0199i da Hamas.<\/p>\n<\/div>\n

\n

An yi gumurzu tsakanin sojin Isra’ila da maya\u0199an Hamas a Shejaiyya, wanda ba shi da nisa ta kudanci da gidan al-Ghuferi, kwanaki kafin da kuma bayan kashe iyalan Ahmad.<\/p>\n<\/div>\n

\n

A wasu bayanai da ake fitarwa kullum, a ranar tara ga watan Disamba, sojin sun ce sun “gano wasu \u01b4an ta’adda \u0257auke da makamai masu linzami da ke lalata tankokin ya\u0199i” suna tunkarar dakaru a Shejaiyya, kuma suka kira jirgi mai saukar ungulu ya kai musu hari.<\/p>\n

\"\"<\/p>\n

\n

Rundunar ta kuma ce jiragen ya\u0199i sun kai hare-hare ta sama a wasu wuraren da suka ce \u01b4an ta’adda suke, yayin da suke ci-gaba da kai hari ta sama.<\/p>\n<\/div>\n

\n

Yankin Zeitoun, inda gidan iyalan ya ta\u0253a kasancewa, ya zama wani wurin da dakarun suka fi mayar da hankali wajen kai sabbin hare-haren sojin Isra’ila.<\/p>\n<\/div>\n

\n

Ahmad na ma\u0199ale tare da mahaifinsa – wani magini a Ga\u0253ar Yamma – Ahmad har yanzu yana kiran sauran \u01b4an’uwansa da suka rage a Gaza. Amma kasancewarsa a can na tsawon watanni, ba shi kuma da tabbacin ko zai ta\u0253a komawa.<\/p>\n<\/div>\n

\n

“An rusa duka burina a Gaza,” ya ce. “Wurin wa zan koma?\u00a0Waye zai kira ni baba? Waye zai kirani masoyi? Matata tana gaya mini cewa ni ne rayuwarta. Wa zai gaya mini haka yanzu?”<\/p>\n<\/div>\n<\/div>\n<\/div>\n<\/div>\n<\/div>\n","protected":false},"excerpt":{"rendered":"

Ahmad al-Ghuferi ya tsira daga bam \u0257in da ya kawar da iyalansa daga duniya. Lokacin da wani hari ya hallaka iyalai da \u01b4an’uwansa su 103 a gidansu da ke Gaza, yana can ma\u0199ale a garin Jericho na Ga\u0253ar Yamma, kimanin kilomita 80 daga gida. Ahmad na aiki ne a wani wurin da ake aikin gini […]<\/p>\n","protected":false},"author":17,"featured_media":245,"comment_status":"closed","ping_status":"closed","sticky":false,"template":"","format":"standard","meta":{"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_memberships_contains_paid_content":false,"footnotes":""},"categories":[1,12,2,8],"tags":[70],"class_list":["post-244","post","type-post","status-publish","format-standard","has-post-thumbnail","hentry","category-labarai","category-labaran-ketare","category-siyasa","category-tsaro","tag-gaza"],"jetpack_sharing_enabled":true,"jetpack_featured_media_url":"https:\/\/radionigeriakaduna.gov.ng\/hausa\/wp-content\/uploads\/2024\/03\/6986f2b0-d547-11ee-9a5b-e35447f6c53b.jpg","_links":{"self":[{"href":"https:\/\/radionigeriakaduna.gov.ng\/hausa\/wp-json\/wp\/v2\/posts\/244","targetHints":{"allow":["GET"]}}],"collection":[{"href":"https:\/\/radionigeriakaduna.gov.ng\/hausa\/wp-json\/wp\/v2\/posts"}],"about":[{"href":"https:\/\/radionigeriakaduna.gov.ng\/hausa\/wp-json\/wp\/v2\/types\/post"}],"author":[{"embeddable":true,"href":"https:\/\/radionigeriakaduna.gov.ng\/hausa\/wp-json\/wp\/v2\/users\/17"}],"replies":[{"embeddable":true,"href":"https:\/\/radionigeriakaduna.gov.ng\/hausa\/wp-json\/wp\/v2\/comments?post=244"}],"version-history":[{"count":1,"href":"https:\/\/radionigeriakaduna.gov.ng\/hausa\/wp-json\/wp\/v2\/posts\/244\/revisions"}],"predecessor-version":[{"id":249,"href":"https:\/\/radionigeriakaduna.gov.ng\/hausa\/wp-json\/wp\/v2\/posts\/244\/revisions\/249"}],"wp:featuredmedia":[{"embeddable":true,"href":"https:\/\/radionigeriakaduna.gov.ng\/hausa\/wp-json\/wp\/v2\/media\/245"}],"wp:attachment":[{"href":"https:\/\/radionigeriakaduna.gov.ng\/hausa\/wp-json\/wp\/v2\/media?parent=244"}],"wp:term":[{"taxonomy":"category","embeddable":true,"href":"https:\/\/radionigeriakaduna.gov.ng\/hausa\/wp-json\/wp\/v2\/categories?post=244"},{"taxonomy":"post_tag","embeddable":true,"href":"https:\/\/radionigeriakaduna.gov.ng\/hausa\/wp-json\/wp\/v2\/tags?post=244"}],"curies":[{"name":"wp","href":"https:\/\/api.w.org\/{rel}","templated":true}]}}