![\"\"](\"https:\/\/radionigeriakaduna.gov.ng\/hausa\/wp-content\/uploads\/2024\/02\/Lantarki-1-300x225.webp\")
<\/p>\n<\/p>\n
Najeriya ta amince ta maido da wutar lantarki da ta yanke wa Jamhuriyar Nijar bayan kungiyar ECOWAS ta dage takunkumin da ta kakabawa kasashen Nijar din da Mali da Burkina Faso kuma Guinea.<\/p>\n
ECOWAS ta dage takunkumin ne bayan babban taron kungiyar kan harkokin siyasa, zaman lafiya da tsaro da ya gudana a fadar gwamnatin Najeriya da ke Abuja.<\/p>\n
Shugaban Najeriya kuma shugaban ECOWAS, Bola Tinubu, ya ce, saboda haka\u00a0\u201cNajeriya sa\u00a0ta dawo da wutar lantarki da\u00a0ta\u00a0yanke wa Nijar ba tare da bata lokaci ba.\u201d<\/p>\n
A watan Agustan bara ne Najeriya ta katse wutar lantarki da take ba wa Nijar a matsayin wani bangare na takunkumin da ECOWAS ta kakaba saboda juyin mulkin da sojojin Nijar suka yi wa Shugaba Mohamed Bazoum.<\/p>\n
Al\u2019ummar Nijar, musamman mazauna manyan birane sun shiga damuwa saboda rashin wutar lantarkin.<\/p>\n
A watan Nuwamba ne dai\u00a0sanatoci daga Arewacin Najeriya suka bukaci Tinubu ya mayar wa Nijar wutar.<\/p>\n
A ranar Asabar kuma shugaban da kansa ya yi kira da ECOWAS ta dage jingine tattalin arzikin da ta kakabawa kasashen Nijar, Mali, Burkina Faso da Guinea.<\/p>\n
A cewarsa, an sanya takunkumin ne da nufin shawo kan shugabannin gwamnatocin sojin kasashen zuwa teburin tattaunawa.<\/p>\n
Ya bayyana cewa kungiyar ta dauki matakinta ne bisa kyawawan manufofin yankin na tsaro, zaman lafiyar al\u2019umma, mulkin dimokuradiyya, \u2019yancin siyasa, yalwar arziki da ci gaban tattalin arziki mai dorewa ta hanyar samar da dama ga kowa a yammacin Afirka.<\/p>\n
Ya ce babu wata kiyayya ko boyayyar manufa a cikin matakan da aka dauka kuma babu wata manufa ta ruguza halastacciyar manufar siyasa ta kowace kasa ko cigaban wani bangare.<\/p>\n