Fasaha
Majalisar Dattawa Ta Nemi Ministan Ilimi Ya Gurfana Gabanta
![](https://radionigeriakaduna.gov.ng/hausa/wp-content/uploads/2024/05/download-3.jpeg)
Majalisar dattawa ta gayyaci ministan ilimi da hukumar bayar da tallafin karatu ta tarayya bisa jinkirin biyan dalibai hakkokinsu.
Majalisar dattawa a ranar Talata ta umurci kwamitinta kan ilimi da ya gayyaci hukumar bayar da tallafin karatu ta tarayya da kuma ministan ilimi don bayar da cikakken rahoto kan halin da daliban Najeriya ke ciki a shirye-shiryen bayar da tallafin karatu na kasa da kasa ciki har da rashin biyansu hakkokinsu.
Kudurin dai ya biyo bayan kudirin da Sanata Saliu Mustapha (APC Kwara ta tsakiya) ne ya dauki nauyi.
Sanata Mustapha a cikin kudirin ya yi kira da a gudanar da bincike cikin gaggawa tare da warware kalubalen biyan kudin makaranta da sauran matsalolin jin dadin da daliban Najeriya ke fuskanta kan shirin gwamnatin tarayyar Najeriya da kasashen waje da na kasashe renon Ingila, inda ya koka da halin da wadanda suka ci gajiyar tallafin ke fuskanta.
Ya bayyana cewa, wasu rahotannin da ke nuna cewa daliban Najeriya na fuskantar wahalhalu a kasashen Aljeriya, China, Morocco, Rasha da kuma Birtaniya, sakamakon rashin biyan kudin karatu da alawus din rayuwa, lamarin da ke haifar da yada labaran karya da kuma kunyata kasa.
Don haka Majalisar Dattawa ta bukaci Gwamnatin Tarayya ta sanya takunkumin da ya dace a kan jami’an Hukumar bayar da tallafin karatu ta Tarayya da kuma Ma’aikatar Ilimi ta Tarayya wadanda ke da alhakin wannan gazawar.
Ya kara da cewa rashin cika alkawurran da gwamnatin tarayya ta yi na kudi a karkashin wadannan yarjejeniyoyin duniya sama da watanni goma, zai kawo cikas ga walwala da ci gaban karatun daliban da abin ya shafa.
Bashir M/Wabbae
-
Kasuwanci7 days ago
PDP Katsina Ta Zabi Sabbin Shugabanni
-
Labarai6 days ago
Kamfanin Mai Na Kasa Na Fuskantar Matsalolin Kudaden Samar Da Man Fetur
-
Labarai6 days ago
Gwamna Lawal Ya Yi Sabon Nadi Ga Hukumar Asusun Kula Da Harkokin Tsaro
-
Kasuwanci6 days ago
Gwamnatin Tarayya Ta Fara Gina Rukunan Gidaje 500 A Kano
-
Labarai5 days ago
Shugaba Bola Tinubu Ya Jajantawa Iyalan Yar’Adua Bisa Rasuwar Hajiya Dada
-
Labarai7 days ago
Ku Gaggauta Kammala Ayukkan Da Ke Hannun Ku A Arewa Maso Gabas
-
Labarai3 days ago
ACF Ta Ce Babban Kalubalen Arewa Yanzu Shi Ne Rashin Tsaro
-
Fasaha7 days ago
Kungiyar Ecowas Za Ta Tallafa Ma Mabukata 14,694 A Jihohin Katsina Da Sokoto