Labarai
Gwamnatin Tarayya Ta Bada Kwangilar Aikin Sola Na ₦1bn A FUD
Daga Usman Muhammad
Gwamnatin Tarayya ta bada aikin samar da wutar lantarki mai amfani da hasken rana a Jami’ar Tarayya da ke Dutse, Jihar Jigawa, akan kudi naira biliyan ɗaya, karkashin shirin sabunta fata na Renewed Hope Solarisation Agenda.
Jami’in Hulɗa da Jama’a na jami’ar, Alhaji Abdullahi Anako, ya bayyana hakan cikin wata sanarwa, inda ya ce aikin ya ƙunshi samarwa da girka na’urar hasken rana mai ƙarfin kilowatt 500 domin inganta wutar lantarki a jami’ar.
Ya ce Hukumar Makamashi ta Najeriya ta amince da aikin, wanda ake sa ran kammala shi cikin watanni uku, kuma za a fara shi nan ba da jimawa ba.
Abdulla Anako ya ce Shugaban Jami’ar, Farfesa Ahmad Mohammed Gumel, ya bayyana godiya ga Shugaban Ƙasa Bola Ahmed Tinubu da Darakta-Janar na Hukumar, Dakta Mustapha Abdullahi, bisa wannan tallafi.
Ya ƙara da cewa Hukumar a shirye take ta yi haɗin gwiwa da jami’ar wajen gudanar da bincike kan makamashin da ake iya sabuntawa.
A baya-bayan nan ne Hukumar ta amince da samar da fitilun tituna masu amfani da hasken rana guda 100 ga jami’ar, wanda a halin yanzu an samar da guda 50 daga cikinsu domin girkawa.
Fassara: Safiyah Abdulkadir
-
Labarai4 days agoGwamnan Kano Ya Mika Sunayen Sabbin Kwamishinoni 2 Ga Majalisa Domin Tantancewa
-
Labarai5 days agoGwamnatin Neja Ta Jaddada Ƙudurinta Na Farfaɗo Da Kamfanin Buga Takardun Gwamnati
-
Labarai5 days agoAn Ceto Wani Mutum da Ya Fada Kududdufi a Kano
-
Labarai5 days agoTsangayar Kimiyyar Kula Da Lafiya Ta BUK Ta Lashe Zinare A Gasar Kwallon Ƙafa Ta Tsangayu Karo Na 19
-
Labarai3 days agoJigawa: Hukumar Jin Dadin Alhazai Ta Kafa Kwamitin Tantance Bayanan Maniyyatan 2027
-
Labarai5 days agoDan Takarar Gwamnan Sokoto Na ADC Ya Tsalleke Rijiya da Baya Daga Yunkurin Hallaka Shi
-
Labarai5 days agoShugaban Majalisar Wakilai Ya Jaddada Muhimmancin Samar Da Ilimi, Lafiya Da Tsaro Ga Al’umma
-
Labarai5 days agoDurumbun Gusau Ya Bukaci Haɗin Gwiwa Wajen Magance Matsalar Tsaro
